Iluminación de Nadal de película nunha casa de Guitiriz

A paixón infantil polo Nadal levou a María José a converter a súa casa nun auténtico decorado. Bonecos de neve, Santa Klaus xigantes e todo tipo de adornos propios destas datas presiden esta vivenda dos Vilares, en Guitiriz. Dá moito traballo, pero di que paga a pena.

O recinto, que pode visitarse de balde, conta este ano con algunhas novidades. O premio ao seu esforzo é ver a satisfacción da xente. No lado xa non tan positivo está a factura que lle pode vir este ano coa luz tan cara.

María José ri cando comparan as súas luces coas de Vigo, pero o certo é que cada ano recibe máis visitantes.