Mondoñedo acolle o cuarto Congreso Nacional de Espeleoloxía Sanitaria

Mondoñedo é un referente nacional no mundo da espeleoloxía. A Cova do Rei Cintolo, unha das máis grandes de España, atrae cada ano milleiros de visitantes, profesionais e afeccionados. 

Este é un dos motivos polos que esta fin de semana se celebra na cidade o cuarto Congreso Nacional de Espeleoloxía Sanitaria.

Entre os relatores, hai expertos en espeleo-socorro. Segundo explican, nun rescate deste tipo cómpre seguir sempre un protocolo preestablecido.

No Centro Español de Documentación Espeleolóxica, situado tamén en Mondoñedo, conservan arquivos variados neste eido.