Detido un home en Riotorto por agredir cun machado o fillastro

Deteñen en Riotorto un veciño da localidade luguesa por agredir o fillastro cunha machada. O mozo presentaba varias feridas defensivas e tivo que ser trasladado en ambulancia ao PAC para recibir atención médica por cortes en diversas partes do corpo.

A Garda Civil detivo o presunto agresor, que xa pasou a disposición xudicial acusado dun delito de violencia no ámbito familiar. A nai tamén denunciou que o sospeitoso a empurrou. Ambos, nai e fillo, presentaron denuncia polos feitos.