Éxito da nova feira de arte contemporánea de Vigo, VARCO
Participaron 31 artistas entre noveis e novos valores
Como país convidado estivo Portugal
Entre os participantes hai artistas recoñecidos, como Antón Sobral
Vigo clausura este serán a feira VARCO, a primeira edición dunha nova feira de arte contemporánea con gran futuro e proxección.
A filosofía da feira é a interlocución directa do artista co visistante. Algo que nos permite entender a obra desde a visión do creador e a eles coñecer aos seus seguidores
Comisariada pola escultora Eva López Tarrio a mostra conta con trinta e un artistas, todos galegos menos un convidado portugués.
Entre os expositores hai clásicos como Antón Sobral, e novos valores como Ainoa Simons, titulada en Belas Artes por Pontevedra.
Autores moi consolidados na Galicia Sur como Diana Cordero e as súas paisaxes do Vigo industrial con estaleiros e guindastres. Ou o redondelán Marcos Míguez Pughinger, famoso polos seus cadros a bolígrafo pero que trouxo a VARCO obras máis clásicas do ámbito portuario como embarcacións ou o icónico rótulo do Clúb Náutico de Vigo.
Canda eles Rosa García, premio nacional de gravado ou as obras cinéticas de Iria Blanco completan esta feira onde tamén houbo obradoiros e concertos.
A feira, todo un éxito de público nace con vocación de continuidade.
