Fan falta reservas de sangue nos hospitais
Os grupos A+, 0+ e 0- son os que máis se precisan
Os hospitais necesitan entre 400 e 500 doazóns diarias para realizar o seu labor
A Axencia de Doazón de Órganos e Sangue anima a participar nas campañas de doazón de sangue.
As reservas dos hospitais están baixas e precísanse especialmente os grupos A+, 0+ e 0-.
Unidades móbiles da Axencia de Doazón de Órganos e Sangue percorrerán estes días os concellos e cidades galegas para conseguir as doazóns necesarias.
Segundo un informe que trasladou o Servizo Galego de Saúde (Sergas), os hospitais necesitan entre 400 e 500 doazóns diarias para realizar o seu labor.
Pode doar sangue calquera persoa maior de idade, que pese máis de 50 quilos e non padeza, nin padecese, enfermidades transmisibles por vía sanguínea.
