Feira itinerante de Artesanía Alimentaria en Lugo

Esta fin de semana Lugo acolle un mercado de artesanía alimentaria itinerante no que 25 pequenos produtores ofrecen elaboracións artesanais baixo un selo que garante a procedencia do agro galego e a máxima calidade no proceso.

Parece friame pero non, é un trampantollo elaborado por unha pequena pastelería artesanal que aproveita esta feira itinerante para dar a coñecer os seus produtos. A carón deste posto hai outro no que rescataron unha receita de galletas antiga.

Ademais de tortas e chocolate tamén hai sidra artesanal, queixos elaborados de xeito tradixional ou marmeladas exóticas.

Todos estes emprendedores producen baixo o selo de artesanía alimentaria. Tamén ofrecen viño, crema de castañas ou froita deshidratada.

O selo Artesanía Alimentaria acolle dende hai dous anos tradición e innovación sempre que se cumpran determinadas esixencias de calidade e elaboración.