Galicia acolle case un milleiro de persoas que fuxiron da guerra en Ucraína

A maior parte da poboación ucraína refuxiada que chegou a Galicia dende o inicio da guerra non agocha as ganas de volver ao seu país.

Levan máis de medio ano na nosa comunidade e a situación nas súas cidades ou vilas de orixe non mellora. Tampouco se albiscan cambios a medio prazo.

Pese a isto, algunhas persoas decidiron retornar á casa, sobre todo polas dificultades de acceso ao mercado laboral.

Antes da guerra, Galicia non contaba cunha comunidade ucraína. Agora, acolle case un milleiro de persoas procedentes dese país, segundo o Instituto Nacional de Estatística.