Galicia necesita sangue para a ponte festiva

Galicia precisa incrementar as súas reservas de sangue dos grupos cero negativo e cero positivo.

A Axencia de Doazóns de Sangue fai un chamamento á poboación. Lémbrannos que é habitual que o ritmo de doazóns diminúa durante estas datas festivas, pero as necesidades de sangue sempre aumentan.

Por iso, piden a implicación da cidadanía á hora de doar e lembran que, en caso de urxencia, o cero negativo é o doador universal, polo que é o grupo que máis se necesita nos hospitais galegos.