Lección de cociña creativa, saudable e sostible no colexio do Grove

Javier Olleros está afeito a explicar e ensinar o que fai en moitos auditorios, pero esta vez puxo especial fincapé en que a intervención estivese á altura do seu público, os escolares do CEIP As Bizocas do Grove. 

Amais de tentar seducilos coa súa receita de algas crocantes con salsa de cabaza a modo de ketchup, o recoñecido chef e o responsable da horta do seu restaurante Culler de Pau explicáronlles aos pequenos como cultivan moitos dos produtos cos que cociñan. E para que a lección lles quedase ben aprendida, cos máis pequenos, aplicaron a pedagoxía do contacto directo cos elementos.

"Interésanos contar como vivimos, como formamos parte dun ecosistema e que é divertido curiosear nesa diversidade e cociñar diferente".

A lección práctica do recoñecido chef forma parte do proxecto pedagóxico do Colexio das Bizocas que xira arredor dos obxectivos de desenvolvemento sostible. Pretende sobre todo amosarlle ao alumnado a importancia dunha alimentación saudable e ligada a súa zona, explica Anxos Piñeiro, a directora do centro. 

Propician que os escolares perciban directamente a textura e os aromas das plantas