Masaxes para peregrinos, outro exemplo de emprendemento no Camiño

Os peregrinos demandan cada vez máis servizos, e iso supón unha oportunidade para moitos emprendedores.

En Sarria atopamos moitos exemplos. O último, o salón de masaxes aberto por Sonia e David, unha parella que decidiu deixalo todo e aproveitar a súa experiencia para abrir o seu propio negocio.

Están moi satisfeitos do seu traballo cuns peregrinos que chegan ao salón con problemas de todo tipo derivados da dureza do Camiño. 

Para eles hai masaxes ben variadas. Todo buscando sempre eliminar molestias, relaxar o corpo e poñelo a punto para que o Camiño se lles faga o máis levadío posible.