Moteiros de Galicia e de Asturias apoian Alcoa e a industria da Mariña

Sobre dúas rodas transcorriu este domingo a protesta pola situación que afecta os traballadores de Alcoa. Trátase dunha andaina moteira, con pilotos procedentes de Galicia e Asturias, que reclaman o apoio para unha comarca que, din, ten futuro pero que precisa de vontade para que a industria se manteña.

Con ruído atronador, os motoristas lanzan a súa mensaxe contra o desmantelamento da industria.

A marcha “Polo salvamento da Mariña” recolle tamén os intereses dos traballadores afectados polo peche da fábrica de eólicos de Vestas en Viveiro.