O Concello de Poio asume a xestión da illa de Tambo, tras a concesión de Defensa

Dende este martes, o Concello de Poio asume a xestión da Illa de Tambo, na ría de Pontevedra, e poderá ser visitada dende maio. Hoxe asínase a concesión por un período inicial de 25 anos. O acordo entre o municipio e o Ministerio de Defensa establece que se pode prorrogar ata 75 anos.

Os defensores do patrimonio da Illa de Tambo din que urxe elaborar un plan de protección e de usos para poñer ao descuberto un patrimonio que pode achegar moitas sorpresas.