O triunfo de Jessica Bouzas e nos dobres meten España na semifinal da BJK Cup

Jessica Bouzas, número 93 do mundo, adiantou este mércores a España nos cuartos de final da Copa Billie Jean King ao impoñerse por un dobre 6-2 a Sonja Zhiyenbayeva (384) nunha hora e dous minutos, sobre a pista dura do Shenzhen Bay Sports Centre Area.

A galega dominou o encontro desde o primeiro xogo, rompeu catro veces o servizo do seu rival e non afrontou ningunha bóla de rotura para colocar o 1-0 na eliminatoria.

"Estou contenta por esta primeira toma de contacto e polo partido".

Con todo, Cristina Bucsa perdeu ante Yulia Putintseva polo que a eliminatoria resolverase no partido de dobres. Cristina Bucsa e Sara Sorribes Tormo venceron e levaron a España ás súas primeiras semifinais da Copa Billie Jean King desde 2008 ao derrotar as kazakas Anna Danilina e Zhibek Kulambayeva por 6-2 e 7-5, no dobres decisivo dos cuartos de final.