Os 'charms', ou a moda de colgar monecos de peluche e plástico e xoias nos bolsos e mochilas

Probablemente se teñan fixado en que os adolescentes levan colgados nas súas mochilas monecos e peluches e os adultos levan tamén pendurados nos bolsos distintos accesorios. Chámanse charms e están moi de moda. A tendencia dos anos dous mil de personalizar a roupa volve á rúa grazas ás celebridades das redes sociais.  

Na tenda Miss Complementos de Alicia só quedan uns poucos charms. Estes monecos de peluche ou plástico para colgar nos bolsos e mochilas son un dos produtos máis vendidos hoxe. Son complementos para os complementos que os converten en exclusivos e únicos. 

"Darlle o teu toque, o teu toque persoal. E dis, a min gústame o estilo manga,  e podes usar un moneco de unicornio, ou kuromi, que é un persoanxe de Hello Kitty", conta Alicia Rouco, da tenda Miss Complementos.

Das redes ás tendas e das tendas ás rúas. Aquilo de customizar os complementos que naceu nos anos dous mil volve estar de plena actualidade grazas a Rosalía, Dua Lipa, Paris Hilton e toda a recua de youtubers, instagramers e tiktokers. Ademáis dos charms, o último último son os sonny angels para poñer nos móbiles e ordenadores.