Xa están en Monterroso os refuxiados que foxen da guerra de Malí

Xa se atopan en Monterroso os inmigrantes procedentes de África que foxen da guerra de Mali e que se van instalar temporalmente na localidade. Poucos veciños coñecían a noticia.

Vanse aloxar nun hotel á entrada da localidade, onde xa está todo disposto. A atención correrá a cargo dunha organización humanitaria, que ten por norma non facilitar ningunha información. Só trascendeu que se ocuparán de todo, desde repartir a comida encargada a un servizo de cátering a acompañar os inmigrantes ata que se poidan integrar. 

Os 120 inmigrantes que se asentarán en Monterroso son refuxiados que buscan asilo en España.