Os portugueses só teñen que usar máscara nos centros sanitarios e nas residencias

Diminúen as restricións en Portugal. A partir de hoxe, os portugueses só terán que usar máscara nos centros sanitarios e nas residencias da terceira idade.

O Consello de Ministros portugués retirou a obriga de usar máscara no transporte público, aéreo, taxis e nas farmacias, aínda que a mantén nos centros sanitarios e sociosanitarios.

Portugal ten unha incidencia de 148 casos a sete días, un 22 por cento menos que a semana anterior, o que constata a evolución favorable da pandemia no país.