Cargando resultados...
Os Reis Magos visitan as aldeas do concello de Oímbra
Ademais de caramelos, reparten ilusión entre a veciñanza que vive no rural, a maior parte, xente maior
Melchor, Gaspar e Baltasar saúdan a unha veciña de Videferre
G24.gal
05/01/2025 16:13
Última actualización 05/01/2025 16:31
Foi a raíz da pandemia cando os Magos de Oriente decidiron ampliar a súa visita ao concello de Oímbra para achegarse a cada un das aldeas que o conforman.
Dende primeira hora da mañá deste 5 de xaneiro, a veciñanza agardábaos xa con ansia na primeira parada do seu percorrido, Videferre. Tan só hai un cativo, pero os maiores viven a súa chegada como unha festa.
A pesar do mal tempo, tiveron oportunidade de compartir cantigas e risas. A seguinte parada, Espiño; e así ata completar a decena de aldeas deste concello do rural ourensán.
