Papá Noel percorre outra vez Ourense nunha zorra tirada por renos, malia a denuncia de colectivos animalistas
Papá Noel percorre outra vez Ourense nunha zorra tirada por renos, malia a denuncia de colectivos animalistas
Nun participativo desfile, canda elfos, percorreu o centro da cidade para renovar a ilusión de pequenos e maiores
A utilización de animais auténticos motivou a denuncia de Pacma, entre outros gupos ecoloxistas, ante o Seprona, a Xunta e o Concello
Desfile oficial do séquito de Papá Noel con renos polas rúas de Ourense este sábado. Rosa Veiga.
Papá Noel chegou esta sábado a Ourense coma todos os anos, canda os seus renos e en zorra, xornadas antes da entrega oficial de agasallos aos veciños da cidade.
Percorreu o centro da cidade nunha zorra tirada por cinco renos, como ocorreu outros anos, malia a denuncia do partido animalista Pacma. O percorrido comezou sobre as 19:00 horas do sábado desde o parque de San Lázaro e durante a ruta realizou numerosas paradas en que houbo varios espectáculos e algúns pequenos achegáronse a tocar aos animais.
O desfile, que durou sobre 45 minutos, contou cunha grande afluencia de xente e terminou na Praza Maior, onde Papá Noel, sentado no seu trono, recibiu os máis pequenos.
Na xornada do venres, Pacma, nunha nota de prensa, mostrou o seu rexeitamento a este tipo de prácticas, nun espectáculo festivo cargado de polémica, e explicou que interpuxo unha denuncia ante o Seprona, o Concello de Ourense e a Xunta de Galicia.
