Renfe emitiu 65.800 abonos gratuítos ou bonificados en Galicia ata abril
Xa se poden mercar os abonos do segundo cuadrimestre, válidos desde o 1 de maio ata o 31 de agosto
En toda España Renfe expediu 2.160.000 abonos gratuítos para proximidades e media distancia e abonos para Avant bonificados ao 50 %
Renfe emitiu en Galicia 65.794 abonos gratuítos ou bonificados ao 50 % para os desprazamentos de viaxeiros recorrentes entre o 1 de xaneiro e o 30 de abril de 2023 en servizos de proximidade de ancho métrico, de media distancia e de Avant.
O operador ferroviario indica que, do total de títulos, 65.632 son para viaxar gratis en trens de media distancia e proximidade de ancho métrico.
E para os desprazamentos nos trens Avant que unen Ourense con Zamora, A Gudiña e Sanabria, emitíronse 162 abonos cun desconto do 50 %.
No conxunto de España Renfe expediu 2.160.000 títulos, gratuítos para proximidades e media distancia, e bonificados ao 50 % para Avant, tras aprobar a medida o Goberno de España o día 27 de decembro.
A compañía tamén anunciou que os usuarios xa podían adquirir desde o sábado 1 de abril e durante todo o período de vixencia os abonos gratuítos de proximidade e media distancia para viaxar entre o 1 de maio e o 31 de agosto.
