Repítense as colas nas estacións de servizo ante o desconto de 20 céntimos
Algunhas gasolineras pecharon ao non poder asumir o adianto dos descontos
No segundo día de desconto de vinte céntimos no prezo do litro de combustible volveron as longas ringleiras de vehículos ás gasolineiras galegas. Foron moitos os que apuraron os depósitos ata o último momento e iso ocasionou colas que mesmo saían das estacións.
Houbo tamén incidentes nalgún establecemento no que non funcionaba o sistema de pagamento. O sector pídelles aos seus clientes desculpas, paciencia e compresión porque deben adaptar os equipos informáticos a unha realidade nova e precisan tempo.
Algunha gasolineira permanece pechada, ante a imposibilidade de asumir os gastos derivados da medida. Para que volvan abrir e para evitar máis peches, o presidente da Federación Galega de Estacións de Servizo, Julio López, pediu celeridade na devolución dos adiantos dos descontos.
O colectivo solicitou unha xuntanza co delegado do Goberno para explicarlle a situación na que se atopa o sector. O 50% das gasolineiras galegas son micropemes.
