San Xoán de Río quere convertese en capital rural europea
Unha representación dos seus veciños viaxaron a Bruxelas para expoñer ante as institucións europeas o problema de despoboamento que padecen
Propoñen ser un laboratorio de probas para buscar solucións ao envellecemento e a perda de poboación que ameaza Europa
Nas últimas catro décadas San Xoán de Río perdeu o 80 % da súa poboación, pasando de 3.000 veciños a só 500. A media de idade sobe dos 63 anos, vinte por riba da media europea, xa moi alta.
O despoboamento e o envellecemento poboacional fan deste concello da montaña de Ourense un lugar idóneo, di o seu alcalde, para probar medidas que permitan por freo a unha problemática que, en breve, afectará boa parte de Europa.
Unha representación de veciños visitou as institucións europeas para facer visible esta situación do rural e en xaneiro do ano que vén volverán para presentar o seu proxecto co que optan a converterse en capital rural europea.
