Sete afectados por un gromo da covid no Hospital Provincial de Pontevedra

Hai sete persoas afectadas por un gromo da covid-19 rexistrado no Hospital Provincial de Pontevedra.

Os afectados son cinco facultativos e dous pacientes que estaban ingresados na área de Medicina Interna deste centro hospitalario.

O Servizo Galego de Saúde xa está investigando a orixe destes contaxios, aínda que pensan que se trata dun gromo multifactorial, ao non estar asociado a unha única circunstancia.

Unha das hipóteses principais que están rastrexando é que o virus puido chegar ao interior do hospital a través das visitas que recibiron os pacientes.