Un avión frustra a engalaxe en Tenerife Norte ante a aterraxe doutra aeronave

Momentos de tensión os que se viviron este sábado no aeroporto de Tenerife Norte. Un avión de Iberia frustrou a engalaxe cando xa efectuaba a manobra na pista do aeródromo ante a inminencia da aterraxe doutro aparello de Air Europa.

Aena informa que a tripulación do avión que ía aterrar considerou que non tería tempo suficiente para sincronizar as accións e adiou a súa manobra, emprendendo un rodeo para gañar tempo. O piloto de Iberia recibiu ao tempo indicacións para frustrar a engalaxe.

Saíu da pista e tras as comprobacións pertinentes acabou engalando con destino a Madrid, de onde procedía a aeronave implicada nesta situación.

A emisora Cope informa que o avión de Iberia cando estaba a metade da pista e a poucos segundos de levantar do chan, o piloto tivo que abortar a manobra e frear en seco. 

O comandante explicoulle á pasaxe que se viu obrigado a tomar esta decisión porque outro avión comezaba a aproximación para aterrar na mesma pista, e que, de despegar, "terían chocado os dous avións no aire".