Unha trintena de encontros con autores na Feira do Libro de Ferrol

O 23 de abril, é o Día do Libro, unha data que en Ferrol podemos celebrar achegándonos a unha das casetas da súa Feira do Libro, a primeira este ano do circuíto organizado pola Federación de Librarías de Galicia.

Aínda están a tempo ao longo da xornada de hoxe de visitala e mercar un libro, ou asistir a algunhas das presentacións a cargo dos autores ou á firma de exemplares. 

Por aquí pasaron nestes tres días máis dunha trintena de autores, algúns farano ata a clausura do certame este serán. O sector ten moitas esperanzas postas nesta feira, tras os bos datos de anteriores edicións.