Vigo é a cidade española onde máis choveu en 2024

Os residentes en Vigo non acaban de crer que a súa é a cidade de España onde máis choveu en 2024. Na mente teñen outras cidades como Santiago ou A Coruña. 

Aínda así recoñecen que o pasado foi un ano moi húmido e que Vigo é moitas veces a cidade onde máis auga se recolle aínda que non sexa a que máis días de chuvia rexistra. 

No resumo anual de Aemet, a Cidade Olívica figura como a urbe con máis precipitacións porque na estación de Peinador recolléronse máis de dous mil litros.

O dato ten trampa, porque a zona do aeroporto recolle moita máis auga que no centro da cidade, que en 2024 non chegou aos 1.500 litros.