Retiran exemplares de unlla de gato na contorna da Torre de Hércules

As plantas invasoras transforman a paisaxe, desprazan a poboación autóctona e privan moitos animais de alimentos. Na Coruña, a contorna da Torre de Hércules é un dos espazos ameazados por unha destas especies.

Falamos da coñecida como unlla de gato, unha planta de orixe surafricana que alá onde se instala modifica o chan, alterando as comunidades de microorganismos.

Voluntariado de Afundación retirou na fin de semana exemplares desta planta invasora, que avanza nunha zona declarada Espazo Natural de Interese Local. A iniciativa enmárcase dentro da campaña "Traballando pola mellora do patrimonio natural".