A mellor biblioteca pública do mundo está en Barcelona

A biblioteca Gabriel García Márquez, no barrio de Sant Martí de Barcelona, foi declarada este luns como Mellor Biblioteca Pública do mundo. Esta distinción entrégaa a Federación Internacional de Asociacións e Institucións Bibliotecarias (IFLA).

Segundo avanzou o Concello da cidade condal, a candidatura do centro barcelonés impúxose á Public Library Janez Vajkard Valvasor Krškov (Eslovenia), á City of Parramatta Library (Australia) e  á Shangai Library East (China). 

As predecesoras da biblioteca barcelonesa foron a Missoula Public Library (EUA), a Deichman Bjorvika (Noruega) e a Oodi Helskinki Central Library (Filandia).