Atrancóuselle o camión nunha localidade ourensá por seguir o GPS

Un camión búlgaro permaneceu durante varias horas atrancado en Calvos, no concello ourensá de San Cibrao, por seguir as indicacións erróneas do GPS. rematou encaixado nunha estreita rúa.

Non é esta a primeira vez que un sistema de navegación confunde algún condutor polas estradas da provincia para levalos a lugares de dificil saída.

Unha dotación dos bombeiros de San Cibrao acudiu para axudar ao camioneiro e coa colaboración dunha empresa de guindastres lograron, despois de varias horas, dirixir o tráiler fóra do pobo para poder seguir o seu traxecto.

Tráiler atrancado en San Cibrao/Bombeiros de San Cibrao