Os mozos acampados no interior da intermodal trasladan a súa protesta ao exterior das instalacións
As forzas de seguridade desaloxáronos do interior do edificio sen que se producisen incidencias
Centos de mozos concentráronse este luns nunha improvisada sentada na intermodal de Santiago para reclamar unha vivenda digna e un decreto contra os desafiuzamentos.
A acción reivindicativa, convocada polo Sindicato de Vivenda de Compostela, comezou na Alameda e os participantes, tras percorrer varias rúas da cidade, corear consignas coñecidas como "Casas para vivir, non para investir" e protestar co son das chaves que portaban, dirixíronse á estación.
"A vivenda é un dereito e tomaremos as rúas", dixo un portavoz. Arredor de medio cento de persoas pasaron a noite no interior das instalacións. Pola mañá, a policía convidounos a trasladar as súas protestas ao exterior. O desaloxo produciuse sen altercados.
A convocatoria coincide coa acampada da Porta do Sol de Madrid en contra do desaloxo de Maricarmen e cadrando coas negociacións do decreto de vivenda por parte dos socios do Goberno.
