O sector turístico galego agarda cifras récord de visitantes para este verán
O sector prevé superar nun 3 % os datos de xullo e agosto do ano pasado
Estímase que se incrementará entre tres e cinco puntos o turismo internacional
Ás portas do verán e coa ollada xa posta nas vacacións, o sector turístico galego prepárase para atender unha gran demanda de reservas. Estanse a acadar cifras récord de visitantes e as previsións para a temporada estival son moi boas.
A pesar da falta de persoal no sector, as estimacións deste ano pasan por superar as cifras do verán pasado. Agárdase acadar un 3 % máis de visitantes en xullo e agosto. Tamén se prevé incrementar entre tres e cinco puntos o turismo internacional.
Desde o Clúster de Turismo de Galicia reivindican mellores conexións aeroportuarias e co AVE para desestacionalizar este sector e que os visitantes veñan á nosa comunidade durante todo o ano.
"Vimos de cinco meses con moi alta ocupación no sector turístico galego e as previsións neste momento xa superan en 10% das reservas do ano pasado. Se todo continúa como vai sucedendo agora as previsións de xullo e agosto van estra incrementadas un dous ou tres por cento esas cifras do ano pasado", di Cesáreo Pardal, presidente do Clúster de Turismo de Galicia.
