Desaparece no mar un submarino para turistas que exploraba os restos do Titanic

Un submarino que adoita transportar turistas para ver os restos do Titanic desapareceu, desencadeando unha operación de rescate da Garda Costeira de Boston. Ían cinco pasaxeiros a bordo.

Varias compañías organizan viaxes de varios días para ver os restos do Titanic, que se atopa a uns 3.800 metros de profundidade e a unha distancia duns 640 quilómetros da illa canadense de Terra Nova. Ocean Gate Expeditions, unha compañía que organiza este tipo de expedicións, anunciou recentemente na súa web e redes sociais que estaba en marcha unha expedición.

O 14 de xuño, a compañía dixo en Twitter que estaba a usar a empresa de comunicacións Starlink para manter aberta a liña de comunicación coa expedición que se dirixía ao Titanic.

No sitio web da compañía, anúncianse viaxes de oito días para ver os restos do barco e especifícase que o seu prezo son uns 250.000 dólares.