Desmantelan un criadeiro ilegal de galos de pelexa en Málaga

Desmantelado en Málaga un criadeiro ilegal de galos empregados en pelexas. Estaba na barriada de Palma-Palmilla. Os axentes atoparon 94 exemplares, algúns deles con feridas e lesións. Tamén interviñeron 97 pombos e retiraron 3.000 quilos de lixo.

Ademais, identificaron unha persoa que supostamente estaba a cargo dos animais. A raíz da operación, iniciouse unha investigación por se existise algún delito de maltrato animal.