Deteñen un veciño de Rianxo tras bater en varios coches cunha forquita

Un veciño de Taragoña, en Rianxo, foi detido tras bater en varios coches, empregando para iso unha forquita.

Provocou estragos en varios vehículos estacionados na rúa e tamén ameazou os donos dun bar e os axentes da Policía Local que trataron de detelo. Tras lograr arrestalo, o home foi trasladado ao médico, ao que tamén ameazou.

Finalmente o agresor foi levado en ambulancia ao Complexo Hospitalario Universitario de Santiago, para ser tratado na área de Psiquiatría.