Día de regreso á rutina despois da desconexión do verán
Algúns volven con enerxía renovada e outros con baixón posvacacional
Os expertos recomendan recuperar as rutinas de xeito gradual
Luns de espertadores, tráfico e oficinas. A rutina regresa despois da desconexión do verán. E non todos o levan co mesmo humor.
"Non teño gana ningunha, estou mellor no verán".
"Volver á normalidade é un 'rollo'".
"Eu estou contento, gústame o traballo".
"Non te podes amargar, quedan moitos días por diante".
Para non caer no baixón posvacacional o mellor é recuperar os hábitos gradualmente.
"Non dar salto, hai que ir empezando a madrugar e coller rutina aos poucos".
Unha transición suave, como a que vemos nos escaparates. Algúns visten xa de outono, mentres que noutros aínda se liquidan os restos de tempada.
"Hai verán aínda, dentro dunha semana empezarei a poñer o calzado de outono no escaparate".
"Case non houbo tempo de verán e xa están cos abrigos nalgunhas tendas, non me gusta nada".
Coma elas son moitos os que non queren dar por acabado o verán. De feito para algúns este luns é o primeiro día de vacacións.
"Agora todos regresan á normalidade e eu gozo en setembro, e con todo máis despexado".
E mentres el descansa, os demais apuran o regreso ao traballo e aos vellos propósitos, cun aumento exponencial nas matriculacións dos ximnasios.
"Eu sempre me matriculo, vou tres días e logo nada, deixo de ir e sigo pagando".
E é que, tanto para o exercicio como para a volta ao traballo, o importante é conceder un período de graza para a adaptación.
