Ferido un traballador en Carballo ao estourarlle un soprete

Un operario quedou ferido ao estourar o soprete que manipulaba mentres traballaba nunha vivenda en reformas no lugar de Añón de Berdillo.

O traballador resultou ferido na cara e máis nun pé e foi evacuado en helicóptero ao hospital da Coruña.

Foi o compañeiro de traballo do ferido o que avisou os servizos de urxencia.

Unha vez atendido o ferido, os bombeiros fixeron as medicións necesarias para garantir a seguridade do lugar e a ausencia de gases nocivos.