Identifican en Lugo un mozo de 13 anos que rompeu un banco público "porque se aburría"

Axentes da Policía Local de Lugo identificaron na tarde deste domingo un mozo de 13 anos que estaba a causar danos nun banco público porque, segundo contou aos efectivos, "se aburría".

Os membros da patrulla sorprenderon o menor mentres danaba un banco situado na rúa Fonte da Bica, ao que quitara varias táboas.

Os axentes deron aviso aos seus pais, que compareceron no lugar dos feitos e fixéronse cargo do menor. Ademais, confeccionaron as oportunas dilixencias polos danos realizados.