Investigan o asalto nunha empresa de Coristanco en que ameazaron unha empregada
Tres persoas coa cara cuberta tentaron perpetrar un roubo o venres pola tarde, ameazando unha traballadora do servizo da limpeza á que encanonaron e esixíronlle o código da caixa forte
Continúan as investigacións sobre o asalto no que ameazaron unha empregada cunha pistola e unha escopeta nunha empresa no concello coruñés de Coristanco.
Tres persoas coa cara cuberta tentaron perpetrar un roubo o venres pola tarde, ameazando unha traballadora do servizo da limpeza, á que apuntaron cunha arma e esixíronlle o código da caixa forte.
Cando os asaltantes viron que non conseguían o seu obxectivo fuxiron nun vehículo co que sufriron un accidente e continuaron a pé en dirección Carballo.
Utilizaron dous coches para levar a cabo o asalto, un deles un Seat León vermello que fora roubado e pintado de negro cun spray. A investigación está a cargo da Policía Xudicial de Carballo.
