Obras no centro de Lugo causan molestias aos veciños
Veciños e vehículos comparten rúas antes peonís e sucédense as caídas e as lesións
Totalmente levantada está a praza de Santo Domingo, sen rematar a de Ferrol, e esta é a estampa na rúa Montevideo.
"Miña nai, como está Lugo, levantadísimo, dá vergoña".
Vai facer un ano do inicio dos primeiros traballos e seguen sen rematar.
"Isto parece a obra do Escorial".
Vehículos e veciños teñen que compartir zonas que eran peonís.
"Moi incómodo, especialmente no inverno, que os coches salpícante. A rúa é moi estreita".
Pero ademais de incómodo é perigoso. Levantáronse as lousas e sucédense as caídas.
"Están levantadas moitas rúas peonís polas que agora pasa provisionalmente o tráfico e está habendo moitas caídas dos cidadáns".
"Hai cantidade de caídas. Están as lousas levantadas e a xente maior tropezamos á mínima".
Moitos na zona critican que se estean levando a cabo tantas obras ao mesmo tempo.
"Todas á vez, tiñan que acabar unhas e empezar outras".
"Tiñan que ir repartindo un pouco e por zonas, non desta maneira".
As obras, que non foron rematadas en prazo e están agora con prórrogas, supoñen ademais un caos diario no tráfico.
