Morre o exalcalde de Muíños, Rafael Pérez, ao caer dun tellado

Rafael Pérez, exalcalde de Muíños, faleceu este martes aos 79 anos de idade ao caer dun tellado de uralita.

O home, coñecido pola veciñanza como Tito, estaba arranxando o tellado do seu alpendre cando o material cedeu e o home precipitouse ao chan dende unha altura de máis de catro metros. 

Foi a súa muller quen o atopou xa sen vida e cun golpe na cabeza. O suceso ocorreu este martes arredor das tres da tarde no lugar de Laxal.

Ata a zona desprazáronse efectivos de urxencias sanitarias e da Garda Civil.  Os equipos sanitarios non puideron facer nada por salvarlle a vida. Rafael Pérez fora alcalde de Muíños durante 12 anos.