Mutilan na Coruña as figuras de Superlópez e Mortadelo
Á figura de Superlópez, situada nos xardíns de Méndez Núñez, cortáronlle a cabeza, e á de Mortadelo, no Obelisco, arrincáronlle unha man
Episodio de vandalismo na clausura do festival Viñetas desde o Atlántico da Coruña, que rematou esta fin de semana. As figuras de dous coñecidos personaxes de cómic, colocadas na rúa para promover o evento, apareceron danadas.
Á figura de Superlópez, situada nos xardíns de Méndez Núñez, cortáronlle a cabeza, e á de Mortadelo, no Obelisco, arricáronlle unha man.
O Concello da Coruña e a dirección do festival lamentan os compartamentos incívicos e din que están tratando de identificar os responsables. Unha vez localizadas as partes seccionadas esta mesma mañá, as figuras van ser reparadas para o Viñetas do ano que vén, despois de que a edición número 27 volvera ser un éxito.
