O mal tempo terá en aviso dezaseis comunidades autónomas este luns
Esta borrasca seguirá incidindo o martes, e o mércores prevese outra
Este domingo, ademais de Galicia, a borrasca Herminia puxo en aviso outras dez comunidades autónomas. O fenómeno máis notable foi o vento. En Euskadi, onde rexistraron refachos de 160 quilómetros por hora, só ata as tres da tarde, contabilizaran máis de 180 incidencias.
A situación ocasionou interrupcións no tráfico ferroviario e desvíos e cancelacións de voos en aeroportos como o de Santander ou o de Bilbao.
En boa parte da metade norte da península, ata camiñar pola rúa e, sobre todo, cerca do mar foi complicado.
Vento, mar e chuvia, e tamén a neve, van seguir incidindo con forza. De feito, a borrasca avanza cara ao leste e ao sur. Este luns, a AEMET estende os avisos a todas as comunidades autónomas, agás a canaria.
