Quince mortos, vinte feridos e centos de casas destruídas nos aludes do Perú

Os servizos de rescate do Perú seguen buscando este martes decenas de desaparecidos tras os aludes que arrasaron diversos puntos do departamento de Arequipa, onde, ata o momento, as autoridades confirmaron a morte de 15 persoas e danos en centos de vivendas.

O último informe do Instituto Nacional de Defensa Civil comunica que os diferentes aludes  deixaron ademais dous desaparecidos, 20 feridos, 310 vivendas afectadas e 10 destruídas, e tamén danos nun establecemento de saúde e tres quilómetros de camiño rural.

O organismo precisa que tamén se viu afectado o posto de saúde do distrito mineiro de Secocha e que do total de vítimas mortais doce eran poboadores da zona e tres faleceron nun accidente de tráfico.