Restablecida a circulación entre Ribadeo e Xove logo de que un tren descarrilase tras atropelar dous cabalos

A circulación ferroviaria entre Ribadeo e Xove xa está restablecida desde este xoves logo de que retirasen en Foz o tren de media distancia que descarrilou a fin de semana pasada tras atropelar dous cabalos.

Restablecida la circulación entre Ribadeo y Xove, de la línea de ancho métrico Ferrol-Oviedo-Gijón.

— INFOAdif (@InfoAdif) January 2, 2025

O tren foi posto de novo da vía coa axuda dun guindastre, traballos que xa ían facerse o pasado luns. Así e todo, atrasáronse polas festividades de Noitevella e Aninovo.

O convoi cubría o traxecto entre Ribadeo e Ferrol, camiño que estes días se realizou cun transporte alternativo por estrada.

O tren descarrilara o pasado 28 de decembro tras atropelar dous cabalos á altura de Vilaronte. Só viaxaban o maquinista e o interventor e non se rexistraron danos persoais. Os animais morreron no sinistro.

Os cabalos pertencían a un veciño de Vilacendoi, unha parroquia a sete quilómetros de Vilaronte. O dono cre que os animais fuxían dalgún perigo.