Samaín pasado por auga en Pontecesures

Non estamos no Entroido, pero o Samaín tamén ten os seus disfraces e en Pontecesures, os mellores teñen premio.

O desfile e posterior concurso tiveron que facerse no interior da praza de abastos pola chuvia, que non logrou deslucir nada o colorido e a imaxinación que presentaron os participantes de todas as idades transformados en meigas, demos, trasnos e esqueletos por unhas horas moi divertidas.