Satisfacción pola demolición do esqueleto dun edificio no barrio coruñés do Martinete

Emocionados e satisfeitos están os veciños do barrio coruñés do Martinete, porque o enorme esqueleto de ladrillo co que conviven desde hai quince anos ten os seus días contados.

Os operarios xa valaron a zona e este martes á mañá os obreiros afanábanse en baleirar o inmoble para proceder en breve á súa demolición. Unha vella demanda dos veciños, que agora celebran a noticia.

Contan que hai máis dunha década que están nunha angustia porque se converteu nun foco de inseguridade e insalubridade.