Un desprendemento obriga a cortar o tren entre O Barco de Valdeorras e Monforte

Un desprendemento de terra sobre a vía do tren obrigou a cortar esta madrugada a liña entre O Barco e Monforte.

Segundo confirmaba o Adif a través das redes sociais, o desprendemento afecta o treito entre a estación de San Clodio e o apeadoiro de Freixeiro.

Os usuarios están sendo trasladados por estrada ata a estación de Monforte. Aseguran tamén que xa están traballando para resolver a incidencia o antes posible.