Unha praga de formigas desespera os veciños da Ruibal, en Pontevedra

Na parroquia de Salcedo, en Pontevedra, as formigas están a facer a vida imposible a ducias de veciños. Unha praga coa que levan loitando anos, pero que estes últimos meses se fixo insoportable.

Están desesperados porque unhas formigas diminutas están a inutilizar bombas de pozos, motores dos portóns e caldeiras. Mesmo saen a moreas polas billas e os enchufes.

Xa non saben que facer para acabar con elas, e acaban de organizar unha recollida de firmas para pedir ao Concello de Pontevedra unha fumigación xeral da zona.