Vaga de calor extrema na península, con temperaturas por riba dos 40 graos
As máximas alcanzarán facilmente os 36 graos no interior da península e de Mallorca
Estes valores superaranse no val do Guadalquivir, no do Guadiana e no do Texo con temperaturas entre os 40 e os 43 graos
En boa parte da Península esta fin de semana están a sufrir unhas temperaturas moi altas para este mes. A vaga de calor que comeza este domingo é a máis temperá e a máis intensa nun mes de xuño.
En total, sete comunidades autónomas terán hoxe aviso de risco por unha vaga de calor extrema. A causa é a entrada dunha masa de aire cálido procedente do norte de África.
As temperaturas máximas alcanzarán facilmente os 36 graos no interior da península e de Mallorca. Estes valores superaranse amplamente no val do Guadalquivir, no do Guadiana e no do Texo con temperaturas entre os 40 e os 43 graos. No val do Ebro é probable que se alcancen 41 graos.
Nestas zonas, as temperaturas mínimas serán tamén elevadas. A vaga de calor manterase, polo menos, ata o mércores.
