Volven os problemas coa auga da traída en Malpica

O corte na subministración da auga é por unha vertedura incontrolada no río de Vaa, que abastece o punto principal de captación para o concello de Malpica. Fixo necesario proceder á limpeza íntegra dos depósitos.

O alcalde Eduardo Parga emitiu un bando en que explica a situación. Son 23 as parroquias afectadas. Entre elas, o propio centro da vila.

A situación non é nova para os veciños.  Xa tiveran problemas coa auga a finais do verán, durante varias semanas, por exceso dunha substancia química que se forma co cloro.