Artur Puga: "O meu método céntrase en como pasa o baile a través do corpo, non na repetición"
O proxecto Seisporoito é unha escola itinerante que procura a difusión da cultura tradicional galega dentro e fóra de Galiza
A escola aposta pola formación de calidade que combine o desenvolvemento profesional cunha metodoloxía innovadora
Vigo, Salceda de Caselas, Ourense, Allariz, Xinzo, Verín, A Gudiña, Madrid e Barcelona teñen xa aulas Seisporoito
Agora, xa temos novas posibilidades para aprender a bailar. Seisporoito é o novo proxecto dun dos mellores bailadores galegos: Artur Puga.
O baile tradicional galego pasa por un momento de luz, pero a Artur Puga ocorréuselle que a cultura tradicional galega precisa máis difusión e máis formación. Para iso nace este proxecto, unha escola itinerante que de momento xa se espalla por varias localidades galegas, pero tamén por Madrid ou Barcelona.
